მიქაუტაძის შემდეგ ესპანეთში კიდევ ერთი ქართველი ტრანსფერი დადასტურდა - ოდიშარია ლა ლიგა 2-ში ითამაშებს

საქართველოს 21-წლამდე ნაკრების შემტევი, ლაშა ოდიშარია ლატვიური რფს-დან კარიერას ესპანეთში გააგრძელებს.

კერძოდ, 22 წლის ფეხბურთელი ლა ლიგა 2-ის კლუბში, ხიხონის სპორტინგში გადაბარგდა.

ის ესპანურ გუნდს იჯარის წესით შეუერთდება.

იჯარა 1 წელს მოიცავს. სეზონის ბოლოს ხიხონს ოდიშარიას გამოსყიდვის სრული უფლება ექნება.

აქვე შეგახსენებთ, რომ ლაშა ოდიშარია რამაზ სვანაძის 21-წლამდე ნაკრებში ერთ-ერთი მნიშვნელოვანი ფიგურა იყო.