გაუმჯობესებული შეთავაზება გაგზავნილია! - ზურიკო დავითაშვილის შესაძლო ახალი გუნდი ცნობილი ხდება

თურქულ პრესაში სენტ-ეტიენის ქართველი შემტევის, ზურიკო დავითაშვილის შესახებ ახალი ინფორმაცია ვრცელდება.

როგორც იწერება, სანაკრებო პაუზის შემდეგ შესაძლოა ზურიკო ბეშიქთაშის ფეხბურთელი გახდეს.

თურქული კლუბი მთელი ზაფხულია მის შეძენას ცდილობს, თუმცა კლუბები ვერ თანხმდებოდნენ.

ახლა კი, ბეშიქთაშმა სენტ-ეტიენს გაუმჯობესებული პირობები შესთავაზა, რაზეც, როგორც თურქები წერენ, მათ უარის თქმა გაუჭირდებათ.

ზურიკომ მიმდინარე სეზონში ლიგა 2-ში 4 მატჩი გამართა და 2 გოლი გაიტანა, მისი ლიდერობა გუნდში ცალსახაა.

რაც შეეხება ბეშიქთაშს, კლუბიდან ახლახანს მთავარი მწვრთნელი, ოლე გუნარ სულშერი გაათავისუფლეს.

თურქეთის სუპერ ლიგაში ისინი ამჟამად 3 ქულით მე-11 პოზიციას იკავებე, თუმცა მათ 4 ტურში მხოლოდ 2 მატჩი აქვთ ნათამაშები, რაც მათ ქვედა ადგილზე მეტყველებს.

ცნობისთვის, ბეშიქთაში ამ სეზონში ევროტურნირების მიღმაა დარჩენილი.