გარანტირებულია! - პარი სენ-ჟერმენში ხვიჩა კვარაცხელიას სათამაშო დრო გაიზრდება

სანაკრებო პაუზაზე გამოჩნდა, რომ ხვიჩა კვარაცხელია შესანიშნავ ფორმაშია.

ამაზე 2 მატჩში 2 გატანილი გოლი და საოცარი პერფორმანსები მეტყველებს.

კვარას პსჟ-ში ბოლო დროს ტრავმის გამო ცოტა სათამაშო დრო ჰქონდა, მიუხედავად ამისა კარგ ფორმაში შესვლა მაინც მოახერხა.

როგორც კი გუნდური მატჩები განახლდება, ხვიჩა პარიზელების ახალი ლიდერი იქნება, ამის მთავარი მიზეზი კი უსმან დემბელეს ტრავმაა.

ფრანგი ფეხბურთელი 6 კვირას იუქმებს.

ყველამ ვნახეთ, თუ რა როლს თამაშობს დემბელე პსჟ-ში, მას ჩანაცვლება აუცილებლად სჭირდება.

ასევე დაზიანებულია დეზირე დუე, რომელიც 17 სექტემბრამდე იუქმებს.

ახლა კი კვარაცხელიას დროა.

შეტევაში ლიდერად ის რჩება და ლუის ენრიკეც უდიდესი ალბათობით მას დაეყრდნობა.

წინა ხაზში ქართველმა ვინგერმა უნდა ილიდეროს, მან ნაკრებში უკვე დაამტკიცა, რომ ეს შეუძლია.