"კვარაცხელია მესისა და ნეიმარზე წინ იყო" - რას ამბობს აგენტი, რომელმაც ხვიჩა ნაპოლიში მოაწყო

Gazzetta Dello Sport-მა კრისტიან ძაკარდოსთან ვრცელი ინტერვიუ ჩაწერა.

მოგეხსენებათ, რომ იტალიელმა საფეხბურთო მენეჯერმა ხვიჩა კვარაცხელიას ნაპოლიში ტრანსფერზე მუშაობდა.

მან სწორედ ქართველის შესახებ ისაუბრა:

"2020 წელს, Wyscout-ის აქტიურად გამოყენება დავიწყე (პლატფორმა სკაუტების დასახმარებლად. Wyscout-ის წყალობით, სკაუტებს საშუალება აქვთ, ფეხბურთელთა თამაშის სიღრმისეულ ანალიტიკაზე ჰქონდეთ წვდომა). ხვიჩა იყო ფეხბურთელი, რომელსაც ევროპაში ყველაზე მეტი დრიბლინგის მცდელობა ჰქონდა - მესიზე და ნეიმარზე წინ იყო.

2021 წლის თებერვალში, მოსკოვში მის წარმომადგენლებს შევხვდი. ედოარდო დე ლაურენტისმა (აურელიოს შვილი) მთხოვა, ორი ფეხბურთელისთვის გამეწია რეკომენდაცია, რომლებსაც განსხვავების შექმნა შეეძლოთ. მას მოიზეს კაისედო და კვარაცხელია ვურჩიე. კლუბმა ქართველთან დადო შეთანხმება და ვფიქრობ, ყველაფერი კარგად გამოვიდა", - განაცხადა ძაკარდომ.