რატომ დაუღრიალა გიორგი მამარდაშვილმა სობოსლაის - ინგლისური პრესის დაკვირვება

პრემიერ ლიგის გასულ ტურში ენფილდზე ჩასულმა მანჩესტერ იუნაიტედმა ყველა გააკვირკვა და ადგილობრივი ლივერპული ანგარიშით 1:2 დაამარცხა.

მოგეხსენებათ, რომ ინგლისური პრესა თითოეული მატჩის თითოეულ მომენტს განსაკუთრებულად აკვირდება.

მათ ამ თამაშის მიმდინარეობისას გიორგი მამარდაშვილისა და დომინიკ სობოსლაის მომხდარი მცირედი ინციდენტიც შენიშნეს.

ჯერ კიდევ მაშინ, როცა ანგარიში 1:1 იყო უნგრელმა ფეხბურთელმა წითლების კარის დარაჯს ბურთი არაკომფორტულად დაუგორა, რის გამოც ქართველ კარის დარაჯს დაძაბვა და სიტუაციის განმუხტვა მოუწია.

სწორედ ამ მომენტში ინგლისელებმა შენიშნეს, რომ მამარდაშვილმა სობოსლაის კარგად დაუყვირა და შენიშვნა მისცა.

"ეს იყო ინციდენტი, რომელმაც ბოლო პერიოდის „ლივერპულის’’ მძიმე აზროვნება დაგვანახა. ეს გუნდი ბოლო წუთებზე ცდილობს შეაგდოს გამარჯვების გოლი, მაგრამ აგებს’’, - დაწერა „ლივერპულ ექოს’’ ჟურნალისტმა პოლ გორსტმა გიორგისა და დომინიკის მომენტზე.