"მამარდაშვილს ამის გაკეთება ძალიან უჭირდა" - ინგლისური პრესა ქართველის თამაშს აფასებს

Liverpool echo – 6 ქულა: "ბრენტფორდის გოლებში ბევრი ვერაფერი გააკეთა, ხოლო შორი მანძილიდან რამდენიმე კარგი სეივი ჰქონდა".

Liverpool.com – 5 ქულა: "ფეხით თამაში უჭირდა და შადეს დარტყმის შემდეგ ბურთს ბადეში შესვლის უფლება მისცა. თუმცა, მან ორი შესანიშნავი სეივი გააკეთა და მიკელ დამსგორს გოლის გატანის საშუალება არ მისცა".

This is anfield – 6 ქულა: "უცნაური ნაზავია: ყოველ წუთს მისი თავდაჯერება იზრდება ლივერპულის პირველი მეკარის როლში, მაგრამ ამავდროულად გოლებსაც უშვებს, რადგან დაცვის სისტემა არასტაბილურია. მას უკვე საკმარისი ძალა აქვს იმისთვის, რომ თანაგუნდელებს ბრძანებები მისცეს და დათვივით ღრიალებდა, როდესაც მე-40 წუთზე მიკელ დამსგორის შორეული დარტყმა ბრწყინვალედ მოიგერია".

Goal – 5 ქულა: "ისევ ტრავმირებული ალისონის ნაცვლად ითამაშა. პირველი ტაიმის ბოლოს დამსგორის წინააღმდეგ შთამბეჭდავი სეივი ჰქონდა. ბრენტფორდის გოლებში ვერაფერი გააკეთა. ის ჯერ კიდევ ელოდება "წითლების" რიგებში პირველ მშრალ კარს".