"ქოჩორაშვილი 18 წლის ტალანტმა ჩაანაცვლა" - რას წერს პორტუგალიური მედია ქართველზე

“სპორტინგის ნახევარდაცვის იერარქიაში მნიშვნელოვანი ცვლილებებია. გადაწყვეტილება მიღებულია. ახალგაზრდა ნახევარმცველი (ჟოაო სიმოეშს) ქოჩორაშვილს მესამე პოზიციაზე აჩოჩებს და სასტარტოში ადგილისთვის ბრძოლას მორიტასთან აჩაღებს.

ამის პირველი ნიშნები ბოლო კვირებში გაჩნდა, ვარჯიშებსა და მატჩებში კი ნათლად გამოიკვეთა, რომ ჟოაო სიმოეში გუნდის ნახევარდაცვის იერარქიაში გაცილებით მაღალ პოზიციაზე ინაცვლებს. თუკი სეზონის დასაწყისში უპირობო მორიტას და ახალწვეული ქოჩორაშვილის ჩრდილში უწევდა ყოფნა, ჩემპიონატის ბოლო ტურში ტონდელასთან შეხვედრაში (3:0) ახალგაზრდა “ლომმა” პირველად ითამაშა სასტარტოში და შესაძლოა, სწორედ ეს მატჩი აღმოჩნდა გადამწყვეტი. 

ჟოაო სიმოეში არათუ ჯობნის ქოჩორაშვილს, რომელიც ახლა უკვე მესამე პოზიციაზეა, სასტარტო შემადგენლობაში ადგილისთვის კონკურენციაში მორიტასთან შედის. მეტიც, 18 წლის ნახევარმცველი უკვე იაპონელზე წინაც იმყოფება, რომელსაც კონტრაქტი ეწურება და მისი გაგრძელება არ იგეგმება.

სპორტინგის მწვრთნელის აზრით, ჟოაო სიმოეში მოედნის ცენტრს გაცილებით ფართოდ მოიცავს და ავლენს მეტ ინტენსივობას, რაც თავისუფალი მოქმედებებისთვის ხელფეხს უხსნის იულმანს და უზრდის ამ უკანასკნელს მოქმედების არეალს. ეს მოდელი კიდევ ერთხელ ამ პარასკევს იმუშავებს - ალვერკასთან ზედიზედ მეორედ გასამართ შეხვედრაში”, - წერს გამოცემა.