ცნობილია! - დაიმატებს თუ არა პსჟ ხვიჩა კვარაცხელიას შემცვლელს

გამოცემა Canal+-ის ჟურნალისტის, ოლივიე ტალარონის ინფორმაციით, პსჟ ზამთრის სატრანსფერო ფანჯარაზე ტრავმირებული ხვიჩა კვარაცხელიას შემცვლელს არ დაიმატებს. 

პარიზული გრანდი ახალ შემტევზე მხოლოდ იმ შემთხვევაში იფიქრებს, თუ კიდევ ერთი თავდამსხმელი მძიმედ დაშავდება და დიდი ხნის გამოტოვება მოუწევს. 

გუნდის მთავარი მწვრთნელი ლუის ენრიკე და მისი სამწვრთნელო შტაბი არსებული შემადგენლობით კმაყოფილნი არიან. 

კვარაცხელიას მნიშვნელოვანი დანაკლისის შემდეგ, მარცხენა ფლანგზე მიკა გოდტსმა და დეზირე დუემ თავი კარგად წარმოაჩინეს.  

გარდა ამისა, პარიზულ კლუბს ჰყავს როგორც რაოდენობრივად, ისე ხარისხობრივად ძლიერი შემადგენლობა, რომელშიც მრავალმხრივი უნარების მქონე ფეხბურთელები ირიცხებიან და ამიტომ ახალი შემტევის დამატებაზე არ ფიქრობენ.