ხესუს ოვონოს პირველი განცხადება დიდი ტრაგედიის შემდეგ

„ანდორას“ მეკარე ხესუს ოვონო, გავრცელებული ინფორმაციით, შესაძლოა სისხლისსამართლებრივ პასუხისმგებლობას გადაურჩეს ინციდენტის გამო, რომელსაც ტრაგიკული შედეგი მოჰყვა. მოედანზე მომხდარი შეჯახების შედეგად „ტენერიფეს“ თავდამსხმელი ხესუს დე მიგელი გარდაიცვალა.

აღნიშნულთან დაკავშირებით ანდორას მეკარემ საჯარო განცხადება გააკეთა.

"ჩემი ცხოვრების ყველაზე მძიმე დღეებს გავდივარ. სიტყვებსაც ძლივს ვპოულობ და მომხდარის გააზრებაც ძალიან მიჭირს. 

"უდიდეს ტკივილს ვგრძნობ და ამის გარდა ვერაფერზე ვფიქრობ. მშვიდად განისვენე ხესუს", - თქვა ოვონომ.