ყველაზე დიდი ხელფასი ევროპაში! - კეინმა ახალი კონტრაქტი გააფორმა

ჰარი კეინი მიუნხენის „ბაიერნში“ დარჩენას აპირებს. გავრცელებული ინფორმაციით, ინგლისელმა თავდამსხმელმა გერმანულ გრანდთან ახალი ხელშეკრულება გააფორმა, რომელიც ძალაში 2029 წლის ზაფხულამდე იქნება.

მოლაპარაკებების შედეგად კეინის წლიური ანაზღაურება მინიმუმ 25 მილიონ ევროს (გადასახადების ჩათვლით) შეადგენს.

გარდა ამისა, გავრცელებული ცნობით, ახალი ხელშეკრულება კეინს ევროპის ყველაზე მაღალანაზღაურებად ფეხბურთელად აქცევს. მისი ანაზღაურება კონტინენტზე სხვა ვარსკვლავების ხელფასებსაც აღემატება.

აღსანიშნავია, რომ ინგლისელი მიუნხენურ კლუბს 2023 წელს შეუერთდა და მას შემდეგ გუნდის ერთ-ერთ მთავარ ფიგურად ჩამოყალიბდა.

შეგახსენებთ, რომ კონტრაქტის გახანგრძლივება „ბაიერნმა“ ოფიციალურად დაადასტურა.