“ერთი რამ განსაკუთრებით მიხარია…”, - რა თქვა ხვიჩა კვარაცხელიამ “უდინეზესთან” გატანილი გოლის შემდეგ

ხვიჩა კვარაცხელიას ნაპოლიმ მნიშვნელოვანი გამარჯვება მოიპოვა. გუნდში არსებული მძიმე გარემოს ფონზე, სახლში უდინეზე 4:1 დაამარცხა.

შესანიშნავი თამაში ჰქონდა ქართველ ფეხბურთელსაც. კვარამ გოლი გაიტანა, ასისტი შეასრულა და პენალტი მოივა.

გატანილი გოლით ხვიჩამ 189 დღიანი უგოლო სერია შეწყვიტა.

"ბედნიერი ვარ, რომ გოლი გავიტანე, რადგან ეს მონატრებული მქონდა. როცა რამდენიმე თვე გოლს ვერ იტან, ნერვიულობა იწყება და მოხარული ვარ, რომ ნავსი გატყდა. ჩემი გოლით გამარჯვებაში გუნდსაც დავეხმარე.

გამარჯვება დავიმსახურეთ. კარგი თამაში ვაჩვენეთ და ეს უნდა იყოს მოტივაცია, რომ შემდეგი მატჩები უფრო მაღალ დონეზე ჩავატაროთ", - განაცხადა კვარაცხელიამ.