"ნაპოლის" პრობლემები არ ელევა - სეზონის არცთუისე კარგ სტარტთან ერთად კლუბს მორიგი ფეხბურთელი დაემტვრა.

იტალიურ მედიაში გავრცელებული ინფორმაციის თანახმად, "პარტენოპეის" ცენტრალურმა მცველმა, ჟუან ჟეზუსმა სერიოზული ტრავმა მიიღო.

როგორც ირკვევა, ბრაზილიელი მოთამაშე კლუბს დაახლოებით 1 თვე გამოაკლდება და მინდორს სანაკრებო პაუზის შემდეგ დაუბრუნდება.

ასევე ტრავმირებულია ამირ რაჰმანი, რომელიც ლაზარეთში დაახლოებით 3 კვირა იქნება.

ასე და ამგვარად, რუდი გარსიასა და "ნაპოლის" პრობლემები ბევრი აქვს.