• 02-10-2022
    ტერ შტეგენი: "მაქსიმუმს ვაკეთებ, რომ ყველაფერი მოვიგერიო"
    ტერ შტეგენი: "მაქსიმუმს ვაკეთებ, რომ ყველაფერი მოვიგერიო"
    Aa

    "ბარსელონას" გერმანელი გოლკიპერი, მარკ-ანდრე ტერ შტეგენი ახალ სეზონში ბრწყინვალედ ასპარეზობს.


    გარდა იმისა, რომ 30 წლის კიპერს ლა ლიგაში მხოლოდ 1 გოლი აქვს გაშვებული, მისი სეივების პროცენტული მაჩვენებელი 94%-ს მცირედით აღემატება.


    მარკ-ანდრემ თავი გამოიჩინა "მალიორკასთან" მატჩშიც, როცა ხაუმე კოსტას მიერ ახლო მანძილიდან დარტყმული ბურთი საოცარ სტილში მოიგერია და გუნდს 3 ქულა შეუნარჩუნა.


    ამ სეივსა და სხვა საკითხებზე გერმანელმა თამაშის შემდეგ ისაუბრა.


    "ეს გამარჯვება შემდეგ კვირებშიც დაგვეხმარება.


    ჩემი სეივი? ვერ დავინახე, ხაუმე საიდან გაჩნდა იქ. მოულოდნელად, ის ჩემ წინ, სრულიად მარტო იყო. ყველაფერი გავაკეთე, რომ ეს ბურთი ამეღო.

    შესაძლებლობების მაქსიმუმს ვაკეთებ, რათა ყველაფერი მოვიგერიო," - თქვა ტერ შტეგენმა.


    შეგახსენებთ, რომ მიმდინარე სეზონში მარკ-ანდრემ კარი მშრალად უკვე 6-ჯერ შეინახა.

    Facebook კომენტარები