ბრძოლა ჩემპიონთა ლიგისთვის: “პსჟ“ - “ჩელსი“

16-02-2016, 21:41

როგორც მოგეხსენებათ, დღეს გაიმართება ჩემპიონთა ლიგის მერვედფინალური ეტაპის პირველი მატჩი, სადაც "პსჟ" საკუთარ მოედანზე "ჩელსის" დაუპირისპირდება. ცოტა ხნის წინ ლორან ბლანმა პარიზელებთან ახალ კონტრაქტს მოაწერა ხელი. გუს ჰიდინკი კი ლონდონელებთან ნდობის მოპოვებას ცდილობს და მისთვის ამ მატჩს დიდი მნიშვნელობა აქვს. ეს გუნდები ერთმანეთს მესამედ უპირისპირდებიან პლეი-ოფში. წინა შემთხვევაში ფრანგებმა ორი მატჩის ჯამში მეტოქე გასვლაზე გატანილი ბურთების წყალობით დაამარცხეს და შემდეგი ეტაპის საგზური მოიპოვეს. ჰიდინკის გუნდმა პრემიერ ლიგის გასულ ტურში საკმაოდ კარგი შეხვედრა ჩაატარა. "არისტოკრატებმა" საკუთარ მოედანზე "ნიუკასლს" უმასპინძლეს და 5-1 დაამარცხეს. აღსანიშნავია, რომ "ჩელსი" უკანასკნელ 12 მატჩში დაუმარცხებელია. ჰოლანდიელი სპეციალისტი თვლის, რომ ლონდონელებს ცოტა დრო ჰქონდათ ძალების აღსადგენათ, თუმცა მისი აზრით გუნდმა მაქსიმუმი უნდა გააკეთოს მეტოქის დასამარცხებლად. თავის მხრივ, "პსჟ" ძალიან კარგ ფორმაშია, რამეთუ გასულ 39 მატჩში ფრანგები მხოლოდ ერთხელ დამარცხდნენ. "მეტოქეს უფრო მეტი დასვენების საშუალება ჰქონდა. ნებისმიერი მატჩის შემდეგ გუნდი აღდგენით ვარჯიშებს ასრულებს, თუმცა ჩვენ ამის ფუფუნება არ გვქონდა და პირდაპირ მატჩისთვის დავიწყეთ მზადება". "პსჟ"-სთან საკმაოდ რთული მატჩი გველოდება. მე მჯერა გუნდის და დარწმუნებული ვარ ჩვენს თამაშს ვითამაშებს", - აცხადებს გუს ჰიდინკი. ლორან ბლანმა "ლილის" წინააღმდეგ მატჩში ზლატან იბრაჰიმოვიჩი და ტიაგო სილვა დაასვენა. "პსჟ"-ს თავკაცმა თავი დაიზღვია და გუნდის ლიდერებს დასვენების საშუალება მისცა. "რა თქმა უნდა, "ჩელსისთან" მატჩი მნიშვნელოვანია. როგორც საკუთარ კედლებში, ასევე გასვლაზეც გუნდმა მაქსიმუმი უნდა გააკეთოს". "რა თქმა უნდა, ძალიან სარისკოა მარკო ვერატის მოედანზე გამოყვანა, რომელმაც ახლახან მოიშუშა ტრავმა. ასევე არც ისე სახარბიელოა ხავიერ პასტორეს მდგომარეობა, რომელსაც დაზიანება გქონდა", - განაცხადა ბლანმა. სერჟ ორიემ "ლილთან" მატჩში დაისვენა. აღსანიშნავია, რომ მასსა და გუნდს შორის მცირე დაპირისპირებაა, თუმცა ბლანის განცხადებით მალე ყველაფერი გამოსწორდება. "ჩელსის" დაცვაში პრობლემები აქვს ჯონ ტერისა და კურტ ზუმას სახით. იანვარში გუნდს შეუერთდნენ მატ მიაზგა და ალექსანდრე პატო, რომლებიც განაცხადში არიან შეყვანილები და შესაძლოა ისინი მოედანზეც ვიხილოთ. საინტერესი ფაქტები - "პსჟ"-ს "ჩელსის" წინააღმდეგ ჩემპიონთა ლიგაზე 1 მოგება, 3 ფრე და 2 წაგება აქვს. - "პსჟ"-ს პლეი-ოფში არ მოუგია უკანასკნელ ხუთ მატჩში. (2 ფრე; 3 მარცხი) - "პსჟ" "იუვენტუსთან" და "რეალთან" ერთად არის გუნდი, რომელსაც საკუთარ მოედანზე წლევანდელ გათამაშებაში გოლი არ გაუშვია. - პლეი-ოფში ზლატან იბრაჰიმოვიჩმა 36 მატჩში 7 გოლის გატანა მოახერხა. ჯგუფურ ეტაპზე შვედს 79 მატჩში 38-ჯერ აქვს მეტოქის კარი აღებული. - დიეგო კოშტას ჩემპიონთა ლიგის ბოლო 14 მატჩში მხოლოდ 1 გოლი აქვს გატანილი "მაკაბის" წინააღმდეგ გასულ სექტემბერს.



კომენტარის დასამატებლად გთხოვთ გაიაროთ რეგისტრაცია.

ქართული ამბები

გლდანის საფეხბურთო ცენტრის მშენებლობა იწყება!

პროგნოზები

დაგვიმეგობრდით