მერაბ დვალიშვილმა გაასაჯაროვა, რა უთხრა დონალდ ტრამპს შეხვედრისას

მერაბ დვალიშვილი საქართველოშია. UFC-ის ჩემპიონი სამშობლოში შონ ო’მალისთან გამარჯვების შემდეგ დაბრუნდა.

ქართველმა მებრძოლმა აეროპორტში მედიისთვის კომენტარი გააკეთა.

„ბედნიერი ვარ, რომ ქამარი დავიცავი. სახლში დაბრუნება ყოველთვის მიხარია. დონალდ ტრამპთან საქართველო ვახსენე. მას ჩემი და ჩემი ქვეყნის პატივისცემა კიდევ ერთხელ დავუდასტურე. მითხრა, რომ კარგი ბრძოლა იყო და ჩემი ბრძოლა მოეწონა“, – განაცხადა დვალიშვილმა.

აეროპორტიდან სპორტსმენი რიყის პარკისკენ გაემართა, სადაც გულშემატკივრებს შეხვდება.

როგორც მანამდე მერაბ დვალიშვილმა აღნიშნა, საქართველოში ერთ კვირას დარჩება, შემდეგ კი აზერბაიჯანში გაემგზავრება, სადაც UFC-ის ღონისძიებას დაესწრება.

მერაბ დვალიშვილი აეროპორტიდან რიყის პარკში გაემგზავრა, სადაც გულშემატკივრებს შეხვდება.