უნიკალური შედეგი - მერაბ დვალიშვილის მორიგი საოცარი მიღწევა

როგორც მოგეხსენებათ, UFC 320-ის საჩემპიონო ბრძოლაში მერაბ დვალიშვილმა კორი სენდჰეგენი დაამარცხა და სუპერმსუბუქი წონის ჩემპიონის ქამარი ზედიზედ მესამედ დაიცვა.

აღსანიშნავია, რომ მსოფლიოს საუკეთესო ორგანიზაციაში "ქართველმა მანქანამ" ზედიზედ მე-14 გამარჯვება მოიპოვა და ხანგრძლივი მოგეგებების სერიით იგი UFC-ის ისეთ სახელოვან მებრძოლებს შეუერთდა, როგორიცაა: ანდერსონ სილვა (16), ისლამ მახაჩევი (15), კამარუ უსმანი (15).

გარდა ამისა, წარმატებულო თეიქდაუნების მხრივ მერაბ დვალიშვილი უკონკურენტო რეკორდსმენი გახდა. 

კორი სენდჰეგენთან შესრულებული 20 წარმატებული თეიქდაუნის შემდეგ, მერაბი UFC-ს ისტორიაში გახდა პირველი მებრძოლი, რომელმაც 100-იან ნიშნულს გადააჭარბა (117), რაც უნიკალური შედეგია.