როგორც მოგეხსენებათ, ინგლისის პრემიერ ლიგის გამორჩეული გრანდები საქართველოს ნაკრებისა და "ვალენსიას" ახალგაზრდა მეკარის, გიორგი მამარდაშვილის შეძენით ინტერესდება.

გიორგის აგენტმა, ლევან სეთურიძემ "პირველ არხთან" ინტერვიუში ამ თემასთან დაკავშირებით ისაუბრა:

"რაც შეეხება ინგლისური გრანდების ინტერესს. ვადასტურებ, რომ ასეთი ინტერესი მართლაც არსებობს, ინფორმაცია არაერთი კლუბისგან მაქვს. მარტის დასაწყისში ბრიტანეთში მივემგზავრები და გავეცნობი სიტუაციას. კიდევ ერთხელ ვიმეორებ, მამარდაშვილს "ვალენსიასთან" 5-წლიანი კონტრაქტი აქვს, დანარჩენს მომავალი გვიჩვენებს." - განაცხადა სეთურიძემ.

აქვე გეტყვით იმასაც, რომ ლონდონის "ტოტენჰემი" და "მანჩესტერ იუნაიტედი" ახალ მეკარეს ეძებენ და მათი მთავარი სატრანსფერო სამიზნე გიორგი მამარდაშვილი გახლავთ.