ბომბა მზადდება! - როდის იყიდის ნაპოლი თორნიკე კვარაცხელიას

ხვიჩა კვარაცხელია უმცროსი ძმა, 16 წლის თორნიკე კვარაცხელია ფართო მასებისთის უფრო და უფრო ცნობილი ხდება.

თბილისის დინამოს ახალგაზრდა ტალანტის სახელმა უკვე საქართველოს საზღვრებს გარეთად გააღწია.

ერთ-ერთი ნეაპოლური გამოცემა, CalcioNapoli მის შესახებ წერს:

"2010 წელს დაბადებული თორნიკე უკვე თამაშობს ახალგაზრდულ დონეზე საქართველოს ნაკრებებში და აღსანიშნავია, რომ მისი ძმის მსგავსად ისიც მარცხენა ფლანგზე თამაშობს. სკაუტების შეფასებით, მას აქვს მსგავსი სათამაშო სტილი: მაღალი სისწრაფე, ტექნიკა, დრიბლინგი და აფეთქებითი მოძრაობები, რაც მას ევროპის ერთ-ერთ საინტერესო ახალგაზრდულ პერსპექტივად აქცევს. „ნაპოლის“ სპორტული დირექტორი ჯოვანი მანა, ფეხბურთელს უკვე გარკვეული დროა აკვირდება და მის პროგრესს ყურადღებით ადევნებს თვალს.

თუმცა, სანამ ნაპოლი ოცნებებზე გადავა, გასათვალისწინებელია FIFA-ს მე-19 მუხლი: ვინაიდან, არასრულწლოვანი ფეხბურთელების საერთაშორისო ტრანსფერი მკაცრი წესებით რეგულირდება”", - წერს გამოცემა.

ასე და ამგვარად, როცა თორნიკე 18 წლის გახდება (2028 წელს) მისთვის სერიოზული ნადირობა წავა. მსურველთა რიგებში ერთ-ერთი მოწინავე კი ჩვენთვის და კვარაცხელიების ოჯახისთვის კარგად ნაცნობი ნაპოლი იქნება!