როგორც მოგეხსენებათ, სერია ა-ს 27-ე ტურის შეხვედრაში "ნაპოლი" "ტორინოს" ესტუმრა და ანგარიშით 0:4 იმარჯვა.

აღნიშნულ მატჩში საქართველოს ნაკრებისა და "პარტენოპეის" 22 წლის გარემარბმა, ხვიჩა კვარაცხელიამ გოლი გაიტანა და საგოლე გადაცემა შეასრულა.

საგულისხმოა, რომ კვარა მიმდინარე სეზონში მე-5 ფეხბურთელი გახდა, ვინც მინიმუმ 10 გოლი და 10 საგოლე გადაცემა შეასრულა.

ცნობისთვის, ევროპის ტოპ 5 ლიგაში მსგავსი შედეგი მხოლოდ ლიონელ მესის, ნეიმარ ჟუნიორს, ბუკაიო საკასა და ადნან კოლო მუანს აქვთ დაფიქსირებული.

აქვე გეტყვით იმასაც, რომ კვარამ სერია ა-ში ჩატარებულ 23 შეხვედრაში 12 გოლი გაიტანა და 10 საგოლე გადაცემა შეასრულა.