სუპერ ამბავი! - იბერია 1999 თბილისში სასწაული აკადემიის მშენებლობას იწყებს

“დროა უკვე, რომ ჩვენ ჩვენი სივრცე გვქონდეს.
სათამაშო მინდორს 2 000 მაყურებელზე ავაშენებთ, ამიტომ ალბათ, საშინაო მატჩებს მაინც კვლავ მიხეილ მესხის სტადიონზე ჩავატარებთ, ვინაიდან, იმედი გვაქვს, რომ 5 000-ზე მეტი მაყურებელის მოზიდვას შევძლებთ, უშუალოდ ამ ახალ აშენებულ სტადიონს კი მეორე გუნდს დავუთმობთ. თუ რომელიმე კლუბს დასჭირდება, ამ ახალ სტადიონზე, მათაც სიამოვნებით ვათამაშებთ, გაგვიხარდება, თუ ეს ახალი სტადიონი ქართული ფეხბურთის სამსახურში იქნება“.

“მარტის ბოლოს ან აპრილში, ჩვენი ბაზის მშენებლობა უნდა დაიწყოს, წლის ბოლოს, წესით, პირველი სავარჯიშო მოედანი უნდა გვქონდეს, ხოლო 2-3 წელში - საქართველოში ერთ-ერთი საუკეთესო აკადემია, საკუთარი სტადიონით და ინფრასტრუქტურით.
სულ ხუთი მოედანი იქნება: 3 - ბუნებრივსაფარიანი და 2 - ხელოვნური.
ვგეგმავთ სასტუმროს მოწყობსაც, როგორც უშუალოდ შეკრებებისთვის, ისე იმ გუნდებისთვის, რომლებიც ტურნირებზე გვეწვევიან.
ამავე ლოკაციაზე, გეგმაშია მუზეუმის და ფან-შოპის მოწყობაც.

ეს ყველაფერი დიღომში, ოლიმპიურ სოფელში იგეგმება”.